மெயில்-இன் -ரீபேட் அனுபவங்கள். MIR

அமெரிக்காவில் ஒரு பொருளை வாங்கி அதனுடய ரசீது மற்றும் பார்-கோடு ஒரு வின்னப்பத்தில் இனைத்து அனுப்பினால் வாங்கியவிலை அல்லது அவர்கள் குறிப்பிட்டுள்ள தொகையை திருப்பி தருவார்கள்.திருவிழா காலங்களில் (Thanks giving day, Christmas and Long week ends ) மற்றும் சில விஷெச தருனங்களில் இது போன்ற அறிவிப்புகள் அதிகமாக இருக்கும்.

இந்த மாதிரி சமயங்களில் ஊருக்கு கிப்டு, நமக்கு வேன்டும் என்கின்ற எலக்ட்ரானிக் சாமன்களை அதிகமாக அள்ளுவதுன்டு.அட்டை பெட்டியில் உள்ள பார்-கோடு (வால் பையன் கவனிக்கவும் இது அந்த பார் அல்ல) கத்தரித்து ரீபேட் அப்ளிகேசனுடன் இனைத்து அனுப்பவேன்டும்,அந்த மாதிரி அனுப்பிய டீவீடீ பிளேயர் ஒன்றை சொந்தகாரருக்கு அன்பளிப்பாக கொடுத்தேன் அவரும் நன்றி கூறி வாங்கிகொன்டார், விருந்துக்கும் அழைப்பு விடுத்தார்.விருந்துக்கு சென்று வந்த மறுநாள் மற்றொருவர் மூலம் வந்த செய்தி கொஞ்ஜம் அதிர செய்தது.

அதாவது அட்டை பெட்டியில் ஓரிடம் வெட்டப்பட்டு பில் போட உதவும் கோடுகள் இல்லாததால் இது திருட்டு பொருளாக இருக்க வேன்டும், நான் அதைதெரியாமல் வாங்கி வந்து விட்டதாகவும் ஏமாந்து போனதாகவும் காதுகளுக்கு வந்து சேர்ந்தது.

நல்ல வேளை நாந்தான் திருடிட்டு வந்தேனு நினைக்காம போனாங்களே.
இதை அவரிடம் நேரடியாக விளக்கமுடியாது, கூறினால் யார் மூலமாக வந்து சேர்ந்தது என்று ஒரு வேளை தெரிய வரலாம், அதனால் மறுபடியும் அனைவரும் சந்தித்த பொழுது அமெரிக்க நடை முறை வாழ்க்கை, வார இறுதி நாட்கள், சாப்பிங் அனுபவங்கள் போன்ற சில பல பேச்சுகளுக்கு பிறகு Mail-In-rebate பற்றி சொன்னபொழுது அடுத்த வந்த வார்த்தை நெஜமாகவே அதிரத்தான் செய்தது.

அவன் என்ன கேன கிறுக்கனா...வாங்கின பனத்தை திருப்பி தருவதற்கு? என்னமோ சாமி நீ சொல்லுற நாங்க நம்புரோம் அப்பு.....அப்படினா அங்க எல்லா ஜாமனும் இப்படிதானா?


அவருக்கு இதுக்கு மேல புரியவைக்க முடியாதுனு/சொன்னாலும் புரியாதுனு ஒரு சிரி சிரித்து விட்டு எழுந்து விட்டேன்.இத்தனைக்கும் அவர் அந்த காலத்து PUC. ஆனாலும் அவருக்கு இன்னும் அது திருட்டு பொருளாகத்தான் தெரியும்னு நினைக்கிறேன்.



குறிப்பு: அவருக்காக வாங்கிய டீவீடீ பிளேயருக்கான் ரோபீட்டு சீ...(director சங்கரின் அறிவிப்பு new film படித்ததில் குழப்பி விட்டது) ரீபேட்டு 3 மாதங்கள் கழித்து நேற்று வந்து சேர்ந்தது.

இதுல நான் வால் பையனை வம்புக்குலாம் இழுக்க வில்லை சாமி...(மனசாட்சி சீ..சீ..பொய் சொல்லகூடாது)

ஏய்ய்ய்ய்ய்ய்ய் கொஞ்ஜம் சும்மாஇரு வாலுக்கிட்ட சொல்லி ஒரு கட்டிங் வாங்ககி தரேன்.